30 C
Manila
Friday, March 29, 2024

Batac: Gob. Manotoc ken DAR secretary, indaulwanda ti pannakaibunong iti C-titles kadagiti 19 nga agrarian reform beneficiaries

- Advertisement -

Naisayangkat ti distribusion iti Computerized Titles kadagiti 19 agrarian reform beneficiaries iti Ilocos Norte iti mismo a bonsai garden iti sango ti kapitolio probinsial.

Visit RPN DZRL Batac

Daytoy ket indaulwan da Governor Matthew Marcos Manotoc a DAR Secretary Bernie Cruz nga inimatangan pay da Cong. Angelo Marcos Barba, VG Cecil Araneta Marcos ken sumagmamano a Under Secretaries Regional Director pakairamanan ni Mr. Vic Inez iti

Dagiti benepisyaryo ket 10 Banna, 6 Vintar ken 3 iti Badoc a nabayagen a nangsuksukay kadagiti daga a taltalonen da.

Binigbig met ti gobernador iti dakkel a tulong ken serbisio nga inpaay ti Dept. of Agrarian kadagiti kailian kagiddan iti panangipasigurado na ti naan anay a supurta ti probinsia kadagiti amin a programa ti DAR.

Dagiti naibunong a C-Titles ket addaan iti nasakupan na a nasurok a 32 nga hektarya a naiproseso babaen iti napagtipon a puersa ti Department of Agrarian Reform ken Land Registration Authority.

Ti nasao nga aktibidad ket paset pay laeng iti Support to Parcelization of Lands for Individual Titling (SPLIT) Project ti DAR.

Kabayatanna, nagyamanan met ni Cruz ni Gob. Marcos Manotoc ken ti sibubukel a team iti naan anay a supurta kagiddan ti panagapela na kadagiti nagbalin a benepisyaryo nga ing ingunguten dagiti naipaima a titulo tapno mapaginamayan to met dagiti sumarsaruno nga henerasion.

Kunana a tallo a rehiyun ti nagbalin a prioridad da, iti Region one, Region 8 ken iti Region 9 ngem ti Ilocos Norte a nagibunungan da iti titulo. (Rod Sadian)

(Source: Provincial Government of Ilocos Norte)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -