Naaaprobaranen ti Draft Provincial Resolution No. 2022-03-465 nga inisponsoran ni Sang. Panlalawigan Member ken Chairman iti Committee on Agriculture Hon. Domingo Ambrocio kabayatan iti regular session dagiti kameng ti Sang. Panlalawigan.
Mainaig pay laeng daytoy iti pannakaipaay ti gas subsidy kadagiti mannalon a rehistrado iti Sustainable Development Center iti kapitolio probinsial.
Ti pannakaipasan ti nasao nga ordinansa ket maipaayan met iti bileg ni Gob. Mathew Marcos Manotoc a mangibagi iti Provincial Government of Ilocos Norte it maaramid a Memorandum of Agreement wenno MOA kadagiti agtagikua dagit nagduduma a gasoline stations ditoy probinsia.
Maipalaon iti maaramid a MOA ti alisto a pannakaiyimplementar iti programa ti probinsia a naawagan iti “fuel subsidy” kas tulong kadagiti mannalon tapno umadu pay ti apit da iti pagtatalonan.
Namunganay pay laeng daytoy iti nagbalin a kiddaw ti Salbang Farmers Association iti ili a Paoay a pannakaited koma pay ti gas assistance kadakuada.
Alisto met nga intandudu daytoy ni Gob. Marcos Manotoc gapu ta makita na it rigat ken adu a magastos dagiti mannalon manipud panagitukit agingga a dumakkel ken pannakaibiahe dagiti produkto ti talon iti merkado publiko.
Nupay kasta, saan pay a madeterminan no mano ti maited a gas su bsidy kadagiti agkiddaw nga asosasion wenno grupo dagiti agtaltaon gapu ta tingitingen da pay no mano iti maikanatad a maited a tulong kadagiti mannalon.
Ti nadakamat a programa ket naipaima iti SDC office nga idadaulwan ni Ms. Luz Ortal ken ti Office of the Governor babaen ken ken ni Chief of staff a ni Atty. Pancho Jose. (Rosita Macalipis)
(Source: Provincial Government of Ilocos Norte)
