Nakipagpaset ni Congressman Angelo Marcos Barba iti pannakaiwaras ti Presidential Assistance for Farmers and Fisherfolk Program (PAFFP) idi Huwebes, June 4, 2026, iti Department of Agriculture – Ilocos Norte Research and Experiment Center (DA-INREC) idiay Dingras, Ilocos Norte.
Ti panggep ti programa ket mangsuporta kadagiti mannalon ken mangalap babaen iti panangipaay kadagiti makinarya, bin-i, ken taraken a makatulong a mang palag-an ti gastos da. Agdagup iti 3,274 a benepisyario manipud iti Munisipalidad ti Solsona ti nakaawat iti tulong pinansyal, nga addaan iti tunggal maysa iti PHP 2,325.00.
Naipakita iti kinapateg ti panagtitinnulong ti gobyerno tapno mapabileg ken masuportaran dagiti mannalon ken mangalap iti probinsya, lalo kadagiti sumagsagaba iti epekto ti nagduduma a kalamidad.
By: Niña Tabilos