Panagbakunana iti COVID-19 booster vaccines iti baro ken nainayon a serbisio iti Capitol express a programa ti gobierno probinsial nga idadaulwan ni Gob. Mathew Marcos Manotoc kadagiti 21 nga ili ken 2 a ciudad ditoy probinsia.
Inmmunan a napanunutan ni Gob. Marcos Manotoc iti pannakairaman ti panagbakuna iti booster ti covid-19 ken dagiti saan pay a nabakunaan nga umili iti programa ti Capex.
Segun iti gobernador, daytoy ket nayon a serbisio nga ipapaay ti provincial health office babaen ken ni Dr. Josephine Ruedas tapno saanen a problema dagiti taga away ti agpasentro nga agpabakuna.
Ti panangiyasideg ni Gob. Marcos Manotoc iti kapitolio kadagiti umili ket tapno maidanon dagiti tulong ken serbisio a kalikaguman da a saan dan a kasapulan ti agturong iti kapitolio.
Karamanen dagiti maipapaay a serbisio ket tulong ket iti kasapulan dagiti umili ti panagtalon, pannakaibunong pay dagiti tilapia fingerlings kadagiti agkiddaw nga addaan iti pagtaraknan na, social welfare services, medical consultations and legal support kadagiti makasapul nga agindeg iti away.
Impasingked met iti ama ti probinsia a saan a bumdeng ti umasideg ken agkiddaw iti tulong gapu ta adda laeng ti probinsia a sumupsupurta ken mangipaay iti aniaman a saranay kadagiti kaprobinsiaan. (Rod Sadian)
(Source: Provincial Government of Ilocos Norte)