26.3 C
Manila
Sunday, March 3, 2024

Batac: Binulan a sueldo dagiti Saguip Nars, napagbalinen a 20K

- Advertisement -

Naipangato ti agbinulan a sueldo dagiti benepisiario ti umuna a bansada ti Saguip Nars Program ti gobierno probinsial ti Ilocos Norte ita a tawen 2024.

Segun kenni Mrs. Anne Marie Lizette B. Atuan, manager ti Public Employment Service Office, manipud iti sigud a sangapulo ket innem a ribu a pisos ket napagbalin a duapulo ribu a pisos.

Kunana a daytoy ket babaen iti panangikalikagum ni Gob. Matthew J. Marcos Manotoc gapu ta makitana ti dakkel a maitultulong dagitoy iti probinsia.

Malaksid iti daytoy, imbatadna a nanayunan pay ti bilang dagiti benepisiario manipud iti limapulo ket napagbalin a pitopulo ket lima.

Inlawlawag ni Atuan a naibasar ti nadakamat a bilang iti kasapulan dagiti district hospital, Gov. Roque B. Ablan Sr. Memorial Hospital, Ilocos Norte Provincial Jail ken ti Provincial Resiliency Office.

Inbunannagna nga iti agdama ket maisagsaganan ti pannakaideploy dagiti maseknan a benepisiario.

Innayonna a kalpasan ti pannakaisayangkat ti “final orientation” ket mangruginton ti panangipaayda ti serbisio kadagiti nadakamat a hospital wenno pangopisinaan. (Irene Ringor)

(Source: Provincial Government of Ilocos Norte)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -