Pakpakauna pay laeng dagiti ipapaay nga ayuda ti gobierno probinsial kadagiti Trycicle and Oprators and Drivers Association wenno TODA iti Ilocos Norte.
Kuna ni Gobernador Mathew Marcos Manotoc a ti ibunbunongna nga 4 a ribu a pisos kadagiti miembro ti TODA a reshitrado iti Metro Ilocos Norte Council wenno MINC ket tulong financial kadakuada.
Kunana a daytoy ket sungbat pay laeng iti agtultuloy a panagngato ti presyo dagiti produkto ti petrolyo a paganil ilan unay dagiti agpaspasada iti tricycle.
Maseknan ti gobernador iti sasaaden dagiti agpaspasada gapu ta imbes a manayonan ti mapastrek da manipud iti panagpasada ket bumassit pay gapu ti kinangina iti presyo ti langis.
Inlawlawagna nga agtultuloy ti maipapaay nga 4 a ribu a pisos kadagiti benepisyaryo manipud iti gobierno probinsial.
Iti Barangay Cabungaan B-Laoag City iti Barangay Hall ti naudi a nagturungan idi kalman ni Gobernador Marcos Manotoc a nagibunungan iti ayuda kadagiti Public Utility Vehicle Drivers.
Umabut met dagitoy iti 942 a miembro iti TODA a daytoy ket umuna pay laeng a bansada iti Laoag City. Kadua met ti gobernador dagiti sumagmamano a kameng ti sang. Panlalawigan ken sinupurtaran dagiti opisyal iti barangay Cabungaan B-Laoag City. (Cita Macalipis)
(Source: Provincial Government of Ilocos Norte)