Agrikultura, turismo ken pagsapulan. Dagitoy dagiti tallo a dinakamat ni Gobernador Mathew Marcos Manotoc a padur asen ti ili a Nueva Era iti sumaruno a tallo a tawen a panagserbina.
Impasigurado daytoy ni Gob. Marcos Manotoc iti sangwanan dagiti tao kabayatan iti Pasasalamat ken Kadiwa kaduana ni senadora Imee Marcos.
Kunana na a babaen iti napintas a panagkadua ken panagkammayet da ken ni Mayor Aldrin Garvida ket maipatungpal dagiti napipintas a proyekto ken programa nga ad adda pay a panagdur-as iti ili a Nueva Era.
Impasiguradona nga ad adu pay dagiti livelihood programs wenno nayon a pamastrekan dagiti umili babaen iti panangidanon ti aniaman a kiddaw tapno maipaay kadagiti kailian.
Uray iti turismo ket ad adda pay a mapadur-as kangrunaanna dagiti maipagpannakkel a napipintas a buya iti ili a Nueva Era tapno ad adu pay dagiti mapan bumisita lokal man wenno gangannaet..
Inbatadna nga iti biang ti agrikultura ket ad -adda pay a matulungan dagiti mannalon babaen iti pannakaipaay kadakuada dagiti nayon a ramit ken kasapulan ti panagtalon.
Impasingked ni Gobernador marcos nga awan iti problema no ti ili a Nueva Era iti agkiddaw gapu ta amin a kalikagum ken supurtaran ti gobierno probinsial nangruna ket agtugawen ti sumaruno a president ti Pilipinas a ni Pres. elect Ferdinand Bongbong Marcos. (Cita Macalipis)
(Source: LGU Nueva Era)