Naballigi a naisayangkat ti Munisipalidad ti Solsona ti Cattle Dispersal Program babaen ti Municipal-Funded Livelihood Program, a pinasingkedan manen ti panagkumit a mangpapigsa iti sektor ti agrikultura ken mangpasayaat ti ekonomia dagiti lokal a mannalon. Agdagup iti duapulo ket maysa (21) a baka ti naiwaras kadagiti kualipikado a benepisiario manipud iti nadumaduma nga Asosiasion dagiti Mannalon iti Solsona. Daytoy a gannuat, a napundoan babaen ti RA 7171 ken RA 8240, ket panggepna ti mangipaay iti sustainable livelihood opportunities babaen ti panangtulong kadagiti mannalon a mangpalawa iti produksionda iti taraken ken mangitandudo iti napaut a panagdur-as ti agrikultura. Ti programa ti panagiwaras ti baka ket mangipakita iti agtultuloy a panagregget ti lokal a gobierno a mangpabileg kadagiti komunidad ti mannalon babaen kadagiti addaan kaipapanan nga interventions a makatulong iti seguridad ti taraon, panagdur-as ti ili, ken inclusive economic growth. Babaen ti panagpuonan kadagiti programa ti panagbiag a kas iti daytoy, agtalinaed a natibker ti Munisipalidad ti Solsona iti misionna a mangparnuay kadagiti naandur ken makabael a komunidad para iti naraniag a masakbayan. By: Niña Tabilos