Batac: 18M a pisos, balor ti nainaguraran a Conditional Matching Grant to Provinces Program wenno CMGP ti DILG ditoy Ilocos Norte iti ili a Sarrat

0
145

Nainaguraranen ti Project Rehabilitation and Improvement ti Sta. Rosa-Pandan-Pariir Provincial Road iti Brgy. Sta. Rosa ken Brgy San Bernabe ti ili a Sarrat iti babaen ti Conditional Matching Grant to Provinces Program wenno CMGP.

Visit RPN DZRL Batac

Indauloan daytoy ni DILG Provincial Director Virgilio Sison ken inatendaran ni Gob. Matthew Marcos Manotoc.

Iti panangipaay ti gobernador ti mensahe, inlawlawagna a naggapo ti pundo manipud iti Department of Interior and Local Government wenno DILG ken ti gobierno probinsial ti nangngeddeng no sadino ti pakaipatungpalan ti nasao a proyekto.

Mainaig iti daytoy, impeksana ti napalaus a panagyamanna iti DILG province, region ken national kangrunaanna kada DILG Sec Eduardo Ano ken ni DILG Usec for Operations Epimaco Densing III.

Kagiddan daytoy, inkari ni Gob. Marcos Manotoc nga agtultuloy dagiti “high priority infra project” ditoy Ilocos Norte.

Inlawlawagna a mabigbig ti Ilocos Norte a maysa kadagiti probinsia nga addaan kadagiti napipintas a kalsada ken rangtay.

Nupay kasta, inannugotna nga adda pay dagiti kurangna kangrunaanna kadagiti away rason a nakapatpateg ti pannakaipasdek dagiti agkokonektar a kalsada saan laeng a para kadagiti mannalon ngem iti sibubukel a komunidad.

Impatalgedna nga agtultuloy ti panagbirukna ti pundo para iti naan-anay a pannakaipatungpal ti naiget a kalikagum ti gobierno probinsial a mapasayaat dagiti proyekto infrastraktura.

Imbatadna a mabigbig ni Apo Lakay a lolona wenno daydi Pres. Ferdinand Edralin Marcos a Grandfathert of infrastructure iti Pilipinas isu a masapul a mapagtalinaed ti reputasyon ti lideratona ken ti “road network” ti Ilocos Norte.

Impalgakna a masapul a maipasigurado a ti probinsia ti ehemplo kadagitoy a proyekto iti intero a Pilipinas. Kabayatanna, inpakaammo ni Provincial Engr. Luciano Domingo Jr. a sangapulo ket walo a milyon a pisos ti nausar para iti nasao a proyekto. Innayonna nga agatiddog ti lima gasut a metros iti sakop ti Brgy. Santa Rosa ken lima gasut met a metros iti Brgy. San Bernabe. (Ronald Domingo)

(Source: LGU Sarrat Ilocos Norte)

Leave a Reply