Cebu City – Subsub na ang pagpangandan sa Basilica Minore Del Santo Niño alang sa Simbang Gabi ug Misa De Gallo 2020.
Usa na niini ang ilang gipahigayon nga seminar-workshop sa mga volunteers alang sa paghatag ug basic first aid, Disyembre 13, 2020.
“Volunteers of the Basilica undergo a seminar-workshop on providing basic first aid”, tipik sa official statement sa Basilica Del Santo Niño.
Tinguha sa maong training ang pag orient ug pag andam sa mga volunteers kon unsaon pag tubag ug paghimo ug basic first aid labi na karong panahon sa pandemya nga mahinungdanon ang safety precautions.
Gihan-ay na sab ang mga saktong distansya alang sa mga maninba.
Labi nilang gipangandaman ang Simbang Gabi ug Misa De Gallo 2020.
Nasayran nga ang Catholic Bishops Conference of the Philippines mipagawas na ug guidelines alang sa Misa De Gallo.
Duna na say Executive Order nga giluwatan ang kagamhanan sa Dakbayan sa Sugbo pinaagi ni Mayor Edgardo Labella alang sa maong tradisyon. (Jhon Tadlip/JTY)
(Source & photo courtesy of Basilica Minore De Santo Niño)
