Napalaos iti ragsak ni City Mayor Michael Marcos Keon iti siyudad ti Laoag gapu iti pannakabigbig ti syudad a kas Cleanest and Greenest City of Ilocos Norte babaen iti provincial government in this year’s province-wide Search for the Cleanest and Greenest City/Municipality, Barangay and National Government Agency para iti daytoy a tawen.
Ti nasao a pammadayaw ket inyawatda Gov. Matthew Marcos Manotoc, Vice Gov. Cecilia Araneta Marcos, Provincial Environment and Natural Resources Officer Mrs. Estrella “Baby” Sacro ken DENR Ilocos Norte Provincial Director Mr. Vic Dabalos bayat iti naiwayat nga awarding ceremonies sadiay Sirib Mile idi laeng kalman.
Inpasingked ni City Mayor Keon, a maikaddua a daras a napadayawan ti siyudad iti nasao nga titulo manipud idi nangrugi ti NariMAT nga Aglawlaw Program iti gobernador, a gagem iti panangtagiben iti aglawlaw ken iti pannakabigbig ti nagbannogan dagiti local government units mainaig iti panangmanehar iti aglawlaw pakairaman iti nagbalin a partisipasion dagiti residente kangrunaanna iti umno a panagilasin iti nagwarangan.
Nagyaman garud ti mayor kadagiti members of the Board of Evaluators a kas kada Mr. Raymond Domingo iti DPWH Ilocos Norte 2nd District Engineering Office, Ms. Mary Antonette Reyes iti DPWH Ilocos Norte 1st District Engineering Office, Ms. Shirley Hidalgo iti Provincial Environment and Natural Resources Office, Ms. Veronica Fabian iti Provincial Health Office ken Mr. Arthur Valente iti Provincial Agriculture Office.
Kabayatanna, nagyaman pay ti mayor kadagiti opisiales ti nadumaduma a barangay pakairaman dagiti departamento iti gobierno ti suidad ken kadagiti residente a saksakupenna. (Alyssa Pagdilao, RPN DZRL Batac Correspondent)
(Source: LGU Laoag City)