Balikatan exercises tuloy kahit ibasura ang VFA—Palasyo

Tuloy pa rin ang Balikatan exercises sa pagitan ng mga tropa ng Pilipinas at Amerika.

Ito ang inihayag ng Malakaniyang sa harap na rin ng nagpapatuloy nang proseso para ibasura ang Visiting Forces Agreement (VFA).

Sa isang panayam, sinabi ni Presidential Spokesman Salvador Panelo na isang pribilehiyo lamang ang VFA sa Amerika na ibinibigay ng Pilipinas.

Gayunman, hindi nangangahulugan na apektado na rin maging ang relasyon ng Amerika at Pilipinas pagdating sa aspetong militar.