Tuluy-tuloy ang balasahan sa Bureau of Customs (BOC).
Tiniyak ito ni Customs commissioner Rey Leonardo Guerrero matapos masampulan ang 61 tauhan ng Customs na kinasuhan ng administratibo dahil sa iba’t ibang kaso habang apat (4) naman ang sinuspindi at nahaharap sa mga kaso.
Binigyang diin ni Guerrero na walang puwang sa ahensya ang mga tiwaling opisyal lalo na’t isinusulong nila ang bagong modernization project para ma streamline ang proseso at operasyon na tuluyang tatapos sa korupsyon sa BOC.
Sa katunayan ay ipinatutupad na aniya nila ang goods declaration verification system, ticketing system, national value verification system, document tracking system, alert order monitoring system at office of the commissioner dashboard.