Bahagyang bumagal ang bilis ng Typhoon Ursula habang binabaybay ang West Philippine Sea.
Huling namataan ng Pagasa ang sentro ng bagyong Ursula sa layong 155 kilometro hilagang kanluran ng Coron, Palawan.
Taglay nito ang hanging may lakas na aabot sa 130 kph (kilometers per hour) malapit sa gitna at pagbugsong aabot sa 160 kph.
Kumikilos ito pa kanluran hilagang-kanluran sa bilis na 15 kph.
Kasalukuyan paring nakataas ang Tropical Cyclone Wind Signal (TCWS) No. 2 sa Calamian Islands (Coron, Culion, Busuanga)
Signal No. 1 naman sa Bataan, Cavite, Batangas, Oriental Mindoro, Occidental Mindoro including Lubang Island, at sa ibang bahagi ng extreme northern Palawan (Linapacan, El Nido).
Samantala, tinanggal na ng Pagasa ang Signal number sa northwestern portions ng Aklan at Antique, western portion ng Romblon, Marinduque, southwestern portion ng Quezon, Laguna, at sa ilang bahagi ng extreme northern Palawan including Cuyo Islands.
Inaasahan namang lalabas ng Philippine Area of Responsibilty (PAR) ang bagyong Ursula sa Sabado ng umaga, Disyembre 28.
