Bagyong Tomas nakalabas na ng bansa

Nakalabas na ng Philippine Area of Responsibility ang Bagyong Tomas.

Gayunman, inaasahan ng PAGASA na babalik sa PAR ang nasabing sama ng panahon sa loob ng 24 oras.

Huling namataan ang bagyo sa layong 1,445 kilometro, silangan ng Aparri, Cagayan.

Napanatili ng naturang weather disturbance ang lakas ng hanging aabot sa 145 kilometro kada oras at pagbugso na hanggang 180 kilometro kada oras.

Mababa ang tsansa na mag-landfall at direktang maka-apekto sa bansa ang bagyo.