Inaasahang maglaland fall na ang bagyong ‘Ramon’ bukas ng gabi o madaling araw ng Martes sa hilagang bahagi ng Cagayan.
Ayon sa PAGASA, huling namataan ang bagyong ‘Ramon’ sa 415 kilometro ng silangan ng Casiguran, Aurora.
Taglay nito ang lakas ng hanging umaabot sa 65 kilometro kada oras malapit sa sentro at may pagbugso na hanggang 80 kilometro kada oras.
Nakataas parin ang tropical cyclone signal number 1 sa silangang bahagi ng Cagayan, Isabela at hilagang bahagi ng Aurora.
Samantala, nagbabala ang PAGASA sa maaaring pagbaha at landslide sa mga lugar na nabanggit.