Radio Philippines Network
Image default
Headlines National News

Bagyong Ramon inaasahang mag landfall sa Babuyan Island ngayong araw —PAGASA

Napanatili ng bagyong Ramon ang lakas nito habang tinutumbok ang Babuyan Island kung saan inaasahan itong maglalandfall ngayong Martes ng umaga, Nobyembre 19, hanggang mamayang hapon.

Batay sa weather bulletin ng Pagasa, huling namataan ang bagyong Ramon sa layong 120 kilometro silangan ng Calayan, Cagayan.

Taglay pa rin nito ang lakas ng hanging umaabot sa 120kph malapit sa gitna at pagbugso ng hanging umaabot sa 150kph.

Kumikilos ito sa bilis na 10kph sa direksyong kanluran hilagang-kanluran.

Inaasahan namang hihina ang bagyong Ramon oras na tumama na ito sa kalupaan.

Kaugnay nito, nakataas ang Tropical Cyclone Wind Signal (TCWS) No. 3 sa hilagang Cagayan habang Signal No. 2 sa Batanes, nalalabing bahagi ng Cagayan,  Apayao, Kalinga, Abra, Ilocos Sur, at Ilocos Norte.

Signal No. 1 naman sa hilagang bahagi ng Isabela, Mountain Province, Benguet, Ifugao, La Union, at Pangasinan.

Samantala, pumasok na sa Philippine Area of Responsibility (PAR) ang binabantayang lpa o low pressure area (LPA) kaninang 2 a.m.

Huling namataan ito sa layong 930 kilometro silangan ng Guian, Eastern Samar at inaasahang magiging ganap na bagyo sa loob ng 24 oras.

Related posts

Pagbaba ng SRP ng bigas ipinanawagan

Powered by DWIZ

Pagsibak kay Robredo bilang drug czar nararapat lang —Barbers

Powered by DWIZ

Kaso ng COVID-19 sa bansa nadagdagan ng 264 — DOH

Powered by DWIZ

This website uses cookies to improve your experience. We'll assume you're ok with this, but you can opt-out if you wish. Accept Read More