Baguio City – Ang Lucban Elementary School Wagi bilang KAMPEON sa DRUM at LYRE Competition. Habang ang SLU, nanalo din sa FESTIVAL DANCE CATEGORY noong araw ng Sabado. Sa natapos na Grand Street Dance Parade ng Panagbenga 2025, Nagwagi ang Drum and Lyre Competition Category ang El Tribu D. Lucban ng Lucban Elementary School at tumanggap ito ng P150,000 na premyo. Nakula din nila ang Best in Props and Costume. 1st runner up sa Best in Music ang Mabini Elementary School Drum and Lyre Corps and Street Dancing Group at nakatanggap pa ng P100,000. 2nd runner up at Best in Choreography ang Tuba Central Drum and Lyre Corps at tumanggap pa ng P70,000 bilang premyo. Samantala, sa Festival Dance Category, naging kampeon ang Saint Louis University at tumanggap ng P200,000; sa ikalawang puwesto ang Lubuagan Kalinga na tumanggap ng P100,000; at ang ikatlong puwesto ay napunta sa Tawid a Balitok ng Bacnotan, La union na tumanggap ng P70,000. Nakuha din ng SLU ang Best in Music at Best in Choreography habang natamo ng Tawid a Balitok ng Bacnotan, La Union ang Best in Costume and Props. (RPN-Baguio/Joel Cervantes/Jimmy Bernabe/Source: PIO Baguio)