Baguio City Pinakaligtas na lungsod sa buong bansa

(Baguio City) Kinikilalang Pinakaligtas na lungsod ang Baguio sa buong bansa. Ito ang pinahayag ni City Mayor Benjamin Magalong sa panayam ng mga mediamen. Ayon kay Magalong, may 76 per cent ang ibinaba ng crime incidents sa lungsod.

Ito ay kanyang idinahilan sa presensiya ng 1,400 na pulis, mga nagkalat na CCTV Cameras, at ng mga forced multipliers. Samantala, pinasinungalingan ni Magalong ang lumalabas na kidnapping o pagdukot sa lungsod na isang fake news lalong lalo na kung ito ay galing sa social media. (RPN-Baguio/Joel Cervantes)