Kabayan, Benguet – Ground breaking ceremony para sa pagtatayo ng bagong gusali ng munisipio ng Kabayan, isasagawa na. Naisagawa na ang ground breaking ceremony para sa pagtatayo ng bagong gusali ng lokal na gobierno ng Kabayan noong Martes, Abril 04, 2023.
Ito ay pinangunahan nila Mayor Florante Bantales Jr.at ni Governor Melchor Diclas ganon din ng mga miyembro ng Sangguniang Bayan ng Kabayan.
Ayon kay Mayor Bantales, nagsimula ang implementasyon ng nasabing proyekto noong Marso ngunit naantala ngayong Abril dahil sa isang buwan na pagdiririwang ng ika 14th Eco-Agri Tourism at Bindiyan Festival.
Sinabi niya na matutuloy ang pagtatayo ng bagong gusali ng munisipio sa Mayo para sa unang bahagi o ang first phase.
Una na rito ang proyekto ay napondohan na ng 92 million pesos kung saan apat na palapag na gusali na kinabibilangan nito ang mga opisina, gallery at function hall.
Tiniyak ng naturang mayor na matatapos ang Kabayan municipal building sa Pebrero 2025. (Joel Cervantes, photo courtesy of LGU Kabayan)