Baguio: 𝟭𝟴 𝗧𝗥𝗔𝗗𝗜𝗧𝗜𝗢𝗡𝗔𝗟 na mga kaganapan nakahanda na sa ika 𝟵𝘁𝗵 na 𝗣𝗔𝗡𝗔𝗚𝗕𝗘𝗡𝗚𝗔

Baguio City – Pormal na inilunsad ng Baguio Flower Festival Foundation, Inc. (BFFFI) ang ika  29th edisyon ng  Panagbenga na may kasamang labing walong tradisyonal na mga kaganapan ang nakahanda para sa mahigit sa isang buwan na kasiyahn na mag uumpisa mula Pebrero a primero hangang Marso a dos ng taong ito. 

Ang tema ngayong taon ng kasiyahan  ay ang ‘Blossoms Beyond Boundaries’ na kung saan bibigyan ng pagtuon ang mayamang kultura at kasaysayan ng lungsod, na isa sa pinakapaborito ng mga turista sa bansa.  Ang taunang flower festival ay magsisimula sa pamamagitan ng  grand opening day parade na magsisilbi bilang  elimination round upang matiyak ang mga sasali sa  grand street dancing parade, ang pagbubukas ng  Panagbenga landscaping competisyon at eksibisyon  at ang  Baguio Blooms, na isang  market encounter.

Ang tradisyonal na Handog ng Panagbenga sa Pamilya Baguio, na isang iba’t ibang pangtatanghal para pagandahin ang katapusan ng linggo ay magaganap sa Pebrero a 9 ng taong ito. Magkakaroon din ang mga Floral designers ng pagkakataon na maipakita ang kanilang galing o talent sa  Panagbenga floral bouquet design competition dish garden competition habang ang  Rhythm of the Highlands, na isang pagpapakita ng kultura at sayaw ay magaganap sa Pebrero a kinse ng taong ito. 

Ang mga magkakalaban pangkat sa  elementary, secondary, college at open categories ang magpapakilig sa mga manonood sa kanilang mahusay na pagganap sa gaganaping grand street dancing parade sa  Pebrero a 22, 2025 na susundan ng makulay na  grand floral parade sa  Pebrero a  23, 2025.

Ang isang linggong Session road in bloom ay magaganap sa Pebrero a  24 hangang Marso a ngayong taon na kung saan ang buong kahabaan ng Session road ay isasara at gagawin bilang isang pasyalan na may mga kapeteria at nakadisplay na mga bulaklak o yong tinatawag na  flower-inspired crafts ng iba’t ibang exhibitors. Ang pagsasara at seremonya ng pagpaparangal at grand aerial fireworks display ay gananapin sa Marso a dos ng taong ito. (RPN-Baguio/Joel Cervantes/Jimmy Bernabe/source: PIO Baguio)