Cebu City- Gitambagan ang mga tumutuo sa Sugbo paghangop ug pagsagop sa gitawag og ‘new normal’ nunot sa pagpatuman sa mga simbahan sa pipila ka bag-ong policies.
Nasayran nga ang Archdiocese of Cebu miluwat gahapon og komprehensibong han-ay o set sa guidelines nga adunay 16 ka pahina ug pirmado ni Archbishop Jose Palma alang sa mga Parokya nga nahimutang sa mga lugar nga ubos sa GCQ o general community quarantine.
Ang tipik sa dokumento subling nag-ingon nga ang mga sumbanan nga gipatuman sa simbahan sa mga lugar nga ubos sa ECQ o enhanced community quarantine ug modified ECQ magpabilin.
Matod ni Palma, nagpasabot kini nga ang mga simbahan nga anaa sa mga dapit nga ubos sa ECQ ug MECQ walay kausaban sa modifications sa liturgical celebrations o okasyon nga gihatag sa kaparian alang sa implementasyon sa nangaging circulars.
Midugang ang arsobispo nga ang nahisgotang mga protocol temporaryo lang.
Iyang nalantaw nga aduna pay laing gradual ug creative apan safe o luwas nga pagsal-ot sa kadagkoan sa simbahan ug sa gobyerno.