Nagpagawas karon og kamandu-an si Acting Mayor Raymond Alvin Garcia sa bag-ong nilingkod nga labaw sa Cebu City Police Office nga si Col. Antonietto Cañete nga ipatuman ang police visibility aron maminosan ang krimen sa dakbayan sa Sugbo.
Kagahapong Hulyo 26, 2024, si PCOL Canete maoy nihulip ni PCOL Ireneo Dalogdog isip bag-ong City Director sa CCPO.
Atol sa maong turn-over ceremony si City Administrator Kristine Joyce Batucan maoy gitugyanan ni Acting Mayor Garcia nga maoy modala sa iyang tingog atol sa kalihokan.
Diin sa iyang mensahe gibasa ni Batucan, gisulti ni Acting Mayor Garcia nga ang iyang marching order kang Cañete mao ang pagpakatap og mga pulis sa kadalanan usa ka paagi nga luwas ang katawhang Sugboanon.
“The marching orders of Acting Mayor Raymond Garcia that you have to carry over has not changed—increased police visibility! Crime prevention is always the key in keeping the city safe, but more than that, make our constituents feel safe knowing that a police officer is just within the vicinity,” pulong ni Batucan.
Si Acting Mayor Raymond Alvin Garcia nipakita og kinatibuk-ang suporta sa bag-ong nilingkod nga hepe sa CCPO.
Naglaum usab ang mga Sugbuanon nga ma sulbad ang mga nag unang krimin sa siyudad sa Sugbo labi sa ginadiling drugas. (Renante Socia Lada)
(Source: Cebu City PIO)