CAGAYAN DE ORO CITY – Ang provincial government sa Misamis Oriental miinugurar sa bag-ong isolation facility sa tinguha nga mapakgang ang pagkuyanap sa coronavirus disease. Kini gihimo sa nakalabay’ng adlaw diin mismo si Misamis Occidental Governor Philip Tan mao ang nag-una sa blessing ug ribbon-cutting ceremony nga gihimo sud sa compound sa Misamis Occidental Provincial Hospital (MOPH) sa barangay Talairon, dakbayan sa Oroquieta.
Ang 32 ka isolation rooms adunay flat screen TVs, cable, airconditioning, wifi connection, water dispenser, travel, pillow, linen ug blanket ug uban pang mga gamit. Kini nga facilidad maka-accommodate sa mild ug asymptomatic Covid-19 patients.
Ang nahisgutang facilidad nagatanyag usab sa free testing alang sa positive IGM o positive sa swabbing results. Aduna kini lima ka essential containers sa isolation facility nga mao ang female dormitory, male dormitory, admission room ug dining room, swabbing room ug doffing room ug ang stock room.
Sa iyang pamahayag, si Gov. Philip Tan miingon nga ang maong proyekto ginganlan nila ug Project Haven diin kini mao ang moatiman sa katawhan kabus mano adunahan. Ang Covid-18 matud niya mao ang nakapahimo sa mga local government personnel nga lig-on, mature ug dedicated sa pagpanerbisyo.
Gihagit usab ni Tan ang mga frontliners nga mahimong empowered ug magpuyo sa luwas ug secure nga palibot taliwala niining health crisis nga giatubang.
Gawas sa isolation facility aduna pay ongoing construction karon alang sa nahibiling siyam ka mga containers sa probinsya. (OIC Gin B. Serohijos, RPN DXKO Cagayan de Oro)
(Source: PIA-10 Dispatch)