Bag-o na ang Station commander sa Philippine Coast Guard (PCG) sa Island Garden City of Samal (IGACOS) kinsa pormal nang milingkod sa katungdanan adlaw nga Sabado, Hulyo 3, 2021.
Si CG LTJG. Christian Bryan Ignacio misugod sa iyang katungdanan diin iyang gihulipan si CG LTG. Macy Gabion nga mitapos sa iyang assignment sa IGACOS niadtong Hunyo 30.
Sumala ni CG LTJG. Ignacio nga dili na bag-o kaniya ang iyang assignment karon gumikan kay susama lamang ang set-up sa IGACOS kung asa mapatuman niya ang ilang gihimo nga best practices sa iyang kanhi assignment sa Guimaras. Gisaad usab niini nga ipadayon niya ang mga maayong paningkamot alang sa isla sa Samal sa iyang gihulipan nga si CG LTG. Gabion.
Ang CGS IGACOS, nag-una sa pagpatuman sa kaluwasan ug seguridad, pagprotekta sa marine environment ug search and rescue capabilities sa isla.
Usa usab ang PCG IGACOS sa mitabang diha sa pagpatuman sa health protocols sa mga pantalan.
(Source: Phil. Coast Guard District Southeastern Mindanao)