NANGULO si City Mayor Rolando ‘Klarex’ Uy kauban si Vice Mayor Jocelyn ‘Bebot’ Rodriguez sa pormal nga pagbukas sa City Hall Clinic & Pharmacy nga ekslusibo alang sa mga kawani sa city hall, Hunyo 2, 2025.
Ang city hall clinic nahimutang diha sa basement sa tourism hall, adunay naka duty nga doctor, nurse, pharmacist ug uban pang mga staff sa tuyo nga makahatag og libre nga serbisyo sa panlawas ngadto sa mga nanginahanglan nga city hall employee.
Lakip sa tambal nga available ang alang sa hypertension, blood sugar, pain reliever ug uban pa.
Ang LGU-CDO Clinic & Pharmacy gidumala sa City Health Insurance Office uban sa suporta sa JR Borja General Hospital ug City Health Office.
Courtesy of CIO CDO