34.5 C
Manila
Monday, April 22, 2024

Bag-Ong Batch Sa Dole-Tupad Beneficiaries Sa Probinsya Sa Sarangani Makadawat Og Singko Mil Ka Pesos (₱5k) Matag Usa, Samtang Singko Mil Ka Pesos (P5k) Usab Ang Gihatag Nga Ayuda Sa Mga Nanag-Iya Sa Gipang-Culling Nga Mga Baboy

- Advertisement -

Gikalipay karon sa mga bag-ong batch nga benepisyaryo sa DOLE-TUPAD sa probinsya sa Sarangani ang ilang madawat. Sigurado na matud pa nga aduna silay masaw-an ning panahon sa Pasko ug pagsugat sa Bag-ong Tuig.

Segun ni Ms. Glenda Revaño, public employment service office/PESO officer sa Kapitolyo sa Sarangani, ang bag-ong makadawat nga batch sa programa sa Department of Labor and Employment nga Tulong Panghanapbuhay sa Ating Disadvantaged/Displaced Workers ang maka-angkon og Singko Mil ka pesos (P5K) matag usa pinaagi sa Pera Padala aron malikayan ang panagtapok.

Sila kadtong wala pa gyud nakadawat sa unsa mang ayuda sa gobyerno, sama sa SAP kon social amelioration program sa DSWD. Ang mga kwalipikadong makadawat kadtong labing naapektuhan sa mga lockdown, sila nga mga anaa sa informal sector.

Sa karon nga bag-ong batch, adunay dul-an duha ka libo (<2K) ka mga indibidwal ang maka-benipisyo. Kana pinaagi sa inisyatibo ni Congressman Ruel Pacquiao katugbang si Senador Manny Pacquiao. May nagahin matud pa nga Dyes Milyones ka pesos (P10M) nga pondo ang Department of Labor. Kada lungsod ang adunay gihatag ug gitagana nga mga slot human sa gibuhat nga municipal profiling.

Sa mga nangagi nga batch diin libuan pud ang naka-benipisyo sa DOLE-TUPAD program, gipaningkamutan usab kadto nila Governor Steve Chiongbian Solon ug sa magsuong Pacquiao, sa pagpangamot sa mga PESO manager sa probinsya ug sa mga munisipyo ug sa DOLE Region 12 ug DOLE Sarangani, sa pagsuporta nila Vice Governor Elmer De Peralta, tanang board member ug pito (7) ka mayor.

Matud pa ni Adonis Hinoctan, usa ka tricycle driver, ug Melanie Abelino, kanhing OFW, dako kaayong tabang ang paabuton nga Singko Mil ka pesos. Trabahuon lang nila ang ipa-trabaho sa LGU kanila sulod sa katorse (14) ka adlaw. Bisitahon lang pirme ang mga barangay hall, munisipyo ug Kapitolyo pinaagi sa mga PESO office aron maka-ambit sa mga kaayuhan sa gobyerno.

Sa pikas nga bahin, gibutyag ni Doctor Bernard Cababat, ang provincial veterinarian sa Sarangani Province, kuyog si Doctor Roy Mejorada, nga nihatag og ayuda ang Provincial Government sa Sarangani aron maulian dyutay sa gasto ang mga nanag-iya sa gipang-culling nga mga baboy, partikularmente sa Pangyan ug Cablalan. Gipaningkamutan nga maapod ang pondo tag-Singko Mil ka pesos (P5K) matag baboy nga nalutas na, counterparting nga pondo kini sa Kapitolyo sa Sarangani ug LGU Glan.

Sayod man ang tanan nga ang sinugdanan sa outbreak sa ASF kon African Swine Fever sa Mindanao mao mismo ang probinsya sa Davao Occidental nga katapad lang sa lungsod sa Glan. Kini ang pasiunang tabang nila Mayor Vivien Yap ug Governor Solon kauban ang Sangguniang Panlalawigan. Musunod matud pa ang mga hinabang nga programa gikan sa Department of Agriculture sunod tuig. Samtang, alang sa mga nanag-iya og baktin, kini ang personal gi-abaga ni Mayor Yap, ug sa LGU Glan sa ubang area.

Maayo na lang wala nay natalang dili normal nga pagluya o kamatay sa mga binuhing baboy hangtud sa kasamtangan apan padayon gihapon ang monitoring. Nagpabilin nga ASF-free walay natalang kaso sa ASF sa MaKiMa: Maasim, Kiamba ug Maitum, bisan na sa Malapatan, Sarangani Province.

(Provincial Information Office – Sarangani)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -