42 ang nagnegatibo sa pinakaulahing nadawat nga resulta mahitungod na sa COVID-19 confirmatory tests alang na sa lalawigan, apan duna usab 6 nga nagpositibo niini.
Ang bag-ong mga positibong kaso mao sila:
Patient 006 – taga-lungsod sa Manukan, ZDN, usa ka Locally Stranded Individual(LSI) gikan Manila nga miabot sa Dipolog City kaniadtong Hunyo 12, 2020, via Philippine Airlines (PAL) flight no. PR2557; gikuhaan kini ug swab test kaniadtong Hunyo 22, 2020, alang sa RT-PCR Confirmatory Test.
Patient 007 – gikan sa lungsod sa Manukan, ZDN, usa usab ka Locally Stranded Individual(LSI) gikan sa Cotabato City; dunay exposure kang Patient 004.
Patient 008 – lumulupyo sa lungsod sa Polanco, ZDN, us aka tripolante sa Medallion Transport, Dipolog-Cebu route;
Patient 009 – taga lungsod sa Piñan, ZDN, us aka Locally Stranded Individual(LSI); Exposed ngadto kang Patient 005; nagnegatibo sa unang swab test result; 2 ka adlaw human nadawat ang unang resulta niini, nakitaan siya ug sintomas diin subling gikuhaan sa ikaduhang swab sample.
Patient 010 – lumulupyo sa Lungsod sa Piñan, ZDN, us aka Locally Stranded Individual(LSI) gikan Manila; RDT Positive(Rapid Test); asymptomatic apan comorbid kun duna na day balatian; miabot sa lalawigan kaniadtong Hunyo 21, 2020, via Cebu Pacific.
Patient 011 – resident sa Mutia, ZDN, apprentice sa Medallion Transport, Dipolog-Cebu route; Miabot ning lalawigan kaniadtong Hunyo 21, 2020.
Sa pagkakaraon, padayon pang gipahigayon ang mga lakang sa contact tracing lakip na kinatibuk-ang mga detalye sa mga nahisgutang mga pasyente gikan sa ilang tagsa-tagsang mga Municipal Health Offices(MHO).
Gipaniguro usab nga ang maong mga bag-ohay nga mga kaso isolated ug anaa sa pagkakaron sa ilang mga Temporary Treatment and Monitoring Facilities(TTMF).