Cagayan De Oro City – Ang mga eskwelahan sa Cagayan de Oro apil na ang Pagatpat National High School mipalig-on sa adbokasiya sa Department of Agriculture sa paglambigit sa backyard gardening taliwala sa nagapadayon nga pandemic pinaagi sa ‘My Pet Plant’ project, kini nga inisyatiba sa Department of Education – CDO gilantaw nga usa ka psychosocial activity nga diin adunay mahinungdanong mabuhat ang mga estudyante sa ilang school subjects diin sila misagop karon sa modular mode sa ilang pagtuon hatud sa COVID-19 health crisis.
Agig suporta, ang Department of Agriculture-Regional Field Office 10 pinaagi ni Regional Technical for Operations, Carlota Madriaga miturn-over sa 150 ka pakete sa Sinigang nga nag-apil na sa Radish, Kangkong, Kamatis, Pole Sitaw ug Okra seeds ngadto kang Jovel P. Flores, Teacher I sa PNHS.
Ang pagtunol sa maong mga binhi gitunong sa parents’ orientation sa nasangpit nga proyekto.
Aligned with DA’s Plant, Plant, Plant Program (Agri 4Ps), ang ‘My Pet Plant’ project nahiuyon kini sa pagpatunhay sa food production, accessibility apil na ang affordability niining panahon sa krisis.
Sa unang semana pa lamang sa Agosto, hinuon kaniadtong Agosto 3, moabot na sa 3,608 ka mga vegetable seed packets ang natunol sa nagkalain-laing eskwelahan alang sa maong proyekto. (DA-10)
(Photo courtesy of Department of Agriculture Region 10)
(Source: Philippine Information Agency Region 10)