Cebu City – Usa ka babay ang gisunog-patay sa iyang kanhi live-in partner samtang natug kini sa iyang gipuy-an sa Sitio Crusher, Barangay Lawaan 3, Syudad sa Talisay, Lunes sa gabii, Marso 22, 2021.
Sa maong hitabo nalakip pagkasunog ang laing tulo ka panimalay.
Matod sa Talisay City Police Office, ang suspek nahiagom ug second-degree burns ug atol sa hitabo nag kayo pa ang iyang kalawasan dihang migawas sa panimalay sa biktima.
Ang babay giila nga si Baby Mae Agner, 29 anyos, samtang ang suspek usa ka Dondon Labora, kanhi hinigugma ni Agner.
Sa pasiunang imbestigasyon, nasuta sa kapolisan nga si Agner nagpuyo kauban sa iyang bag-ong live-in partner nga ginganlan ug Jay Demana, ug ang iyang 11 anyos nga anak kinsa nangatulog niadtong higayona.
Giingong gidunggab una ni Labora si Agner, ug nahitabo ang commotion dayong ilog ni Demana sa kutsilyo gikan ni Labora ug migawas sa balay dala ang bata.
Human sa hitabo nakit-an na lang sa mga silingan nga nagkayo na ang balay ni Agner.
Sa Labora kinsa napaso sab gidala sa hospital aron katambalan. (Jhon Tadlip/JTY)
(Source: Talisay City Police Office, photos courtesy of contributed photo)