Zamboanga del Sur – Mipasalig si Governor Victor Yu nga paningkamotan sa kagamhanang probinsyal nga mahatagan og ayuda ang mga pinakapektadong sektor sa MECQ.
Kini human gideklara sa kapitolyo nga mupailawon aa Modified Enhanced community quarantine ang probinsya sa Zamboanga del Sur, sugod Hunyo 1 hangtud Hunyo 15 subay sa mando aa National IATF.
Ubay ubay usab sa mga gagmayng negosyante karon ang apektado sa maong quarantine status sa probinsya, ug kadaghanan niini, ga mulo gumikan kay wala na usab lain pang kapanginabuhian.
Apan, gisiguro gayud ni Gov. Yu nga mahatagan ug saktong ayuda ang mga apektado., Gani, ning nakalabayng mga adlaw, gisugdan na ang pagpang apud apod ug giftpacks ngadto sa mga apektadong sektor.
Samtang, sa pikas bahin, hugtanon ang pagpatuman karon sa syudad sa health protocol. Layon niini nga maminusan ang mga kaso sa covid positive tungod kay puno na ang mga bed capacity sa mga hospital.
Padayon ang pag awhag ngadto sa Pagadianon ug katawhan sa Zamboanga del Sur nga mutuman sa mando sa taas.
(Diocsil Sanico, RPN DXKP Pagadian OIC, photo courtesy of Victory Zamboanga del Sur Facebook page)
