General Santos City – Dead on the spot ang usa ka ginang human kining gidungab sa kaugalingon niini nga bana sulod mismo sa ilang panimalay sa Purok 6, Lower Labay, Brgy. Tinagacan ning syudad sa GenSan.
Naila ang biktima nga si Ailyn Calatao Yama, 25 anyos samtang naila usab ang suspek nga bana niini nga si Rodrigo Bakiano Jr. 32 anyos pulos residente sa nasangpit nga lugar.
Sumala pa ni Brgy. Tinagacan Kapitan Joefrey Salanio nga nakadawat nalang matud pa siya ug tawag nga aduna gipatay sa maong lugar.
Sumala pa niini nga pasado alas 10:00 ang takna sa gabie gibana banaang nahitabo ang insedente kung asa hubog matud pa nga miuli ang bana sa ilang balay ug nagkalalis silang magtiayon. Didto na mikuha ug kutsilyo ang bana ug gidungab niini ang asawa sa makadaghang higayon nga maoy hinungdan sa kamatayon niini.
Dali usab nga nasikop ang suspek sa kapulisan ug anaa na karon sa kustudiya sa Tinagacan PNP. Samtang ang biktima ang anaa na sa local nga purenarya ning syudad. (John Rey Somido)
