Cagayan de Oro – GIKATAKDANG magpahigayon na usab og Art Exhibit ang City Museum and Heritage Studies Center dinhi sa dakbayan sugod ugmang adlawa Mayo 28 sa annex building sa City Museum ning dakbayan.
Ang Heritage Reimagined: Translating Our Past to the Future art exhibit lakip sa mga mga highlights sa kasaulogan sa National Heritage Month celebration pinaagi sa pagtinabangay ug pagtambayayong sa lokal nga panggamhanan sa dakbayan sa Cagayan De Oro, Department of Trade and Industry ug ang Kagay-an Misamis Creatives Council.
Nasayran nga mokabat sa 10 ka mga local artist ang gikatakdang mopasundayag sa ilahang mga nagkadaiyang obra.
Bukas ang nasangpit nga art exhibit hangtud sa bulan sa Hulyo ning kasamtangang tuig ug bukas kini sa tanang gustong mobisita sa City Museum and Heritage Studies Center Annex Building.
News and photo by CIO CDO