Ang 97th Infantry “Kalasaglahi” Battalion (97th IB) milugway ug tabang ngadto sa Vaccination Team sa Piñan Rural Health Unit (RHU) alang sa vaccination mobilization program sa Barangay Terisita, Piñan, Zamboanga del Norte, bag ohay palang. (July 28, 2021).
gitanyag sa tropa ang military Vehicle, manpower ug security assistance, ngadto sa vaccination team gikan sa Piñan RHU sa pagpangulo ni Dr. Ricardo S. Awit.
Mokabat sa 118 ka mga residente sa Barangay Teresita ug kasikbit nga mga Barangays, ang malampusong nabakunahan sa 1st doses sa maong adlaw.
Niini dako Ang pagpasalamat ni Dr. Awit, sa suporta sa militar, kay matod pa niya Kong wala Ang tabang sa tropa, lisod nila ang paghatod sa covid 19 vaccinations ngadto sa mga katawhan sa nahisgutang dapit sa unahan.
“We will work harder until every Piñanons are fully vaccinated.” Dugang pa ni Dr. Awit.
Samtang mipasalig si Lt. Col. Manaros M. Boransing II, Commanding Officer sa 97th IB, nga ang iyang tropa andam kanunay molugway sa suporta sa mga panginahanglanon sa medical frontliners atol sa maong vaccination.
“Everyone needs to help in ending the pandemic and easing the challenges caused by the pandemic. The Army will always serve and protect the people.” Dugang pa ni Lt. Col. Boransing.
Niining pagbalita, mokabat sa 1,926 Piñanons, Ang Nakadawat sa ilang 1st dose ug 1,475 ang fully vaccinated. (Nena Garcia, RPN DXKD Dipolog Correspondent)
(Source: 97th Infantry “KALAGSAHI” Battalion)