Alkalde ng Daraga, Albay itinanggi ang akusasyon na siya ang ‘mastermind’ sa Batocabe slay

Mariing itinanggi ni Daraga, Albay Mayor Carlwyn Baldo ang pagkaka-ugnay niya sa pagpatay kay Ako Bicol Partylist Rep. Rodel batocabe.

Nakasaad sa press release na inilabas kahapon na malinis ang kaniyang konsensya at ginawa lamang siyang scapegoat sa nasabing kaso.

Dagdag pa ni Baldo, nahusguhan na siya sa nasabing kaso at ang gusto lamang niya ay magsilbi sa kaniyang mga kababayan.

Kahapon ng umaga ay kinasuhan na si Baldo ng double murder case kaugnay sa pagpatay kay Batocabe nuong Disyembre 22.

Kinansela na rin ang mga dokumento ng baril ni Baldo at inalisan na rin ng police control ang opisyal batay sa direktiba ni Albayalde.