Itinaas na ng Philippine Institute of Volcanology and Seismology (PHIVOLCS) sa alert level 3 ang status sa bulkang Taal.
Ito ay matapos na mag-alburuto at maitala ang mahinang pagsabog sa bulkan, kanina lamang 2:00 ng hapon.
Batay sa datos ng PHIVOLCS, kanina lamang 11:00 ng maitala nila ang pagdami ng volcanic earthquake sa bulkang Taal kung saan tumaas ang steaming activity, at namamaga pa ang bunganga nito.
Sinabi ng PHIVOLCS na sa unang pag-aalburuto ng bulkan, naglabas ito ng usok na may taas na 20 hanggang 30 kilometro na may kaugnayan sa hydro thermal activity.
Sinundan naman ito ng mas malaking pag-sabog na nagdulot ng isang kilometrong eruption flow.
Sa ngayon, pinalilikas na ng PHIVOLCS ang lahat ng residente sa Taal Volcano Island.