Alegasyong 1.8M Nga Korapsyon Ni Kapitan Curit Hugot Niining Gipanghimakak

Hugot nga gipanghimakak ni Barangay Fatima punong Barangay Reynante Curit ang mga alegasyon kaniya nga korapsyon sa Kalton Festival Celebration niadtong nakalabayng tuig. Kini human sa mga hearing nga ginapahigayon sa blue ribbon committee sa 19^th Sangguniang Panlungsod sa General Santos City niadtong nakalabayng semana. Sumala pa ni Curit sa pakighinabi kaniya sa Radio Philippines Network RPN DXDX Gensan personal nga mga motibo sa pulitika ang iyang gituohan hinungdan nga ginadout matud pa siya sa mga pagpanghimakak sa ubang tawo mga maoy nangusog sa maong reklamo. Dugang usab niini nga walay 1.8 million nga kantidad nga nagasto ang barangay gumikan kay walay pondo nga ingon ana kadako ang maong selebrasyon ug sumala pa wala usab na pirmahan ang bidding sa mga balayronon partikularmente sa mga pagkaon nga gi supply sa mga catering services bug-at matud pa nga rason aron mapamatud-an niya nga walay kwarta nga migula sa pondo sa nahisgutang barangay.  Gihagit usab ni Curit ang iyang mga kritiko sa social media nga pamatud-an ang ilang mga pagpakaulaw kaniya bisan anaa pa sa hearing ang maong alegasyon batok kaniya. Kahinumduman nga halos tanan nga milingkod isip punong barangay sa Barangay Fatima ang naka sinati gayud ug kasamok sulod sa ilang pag panerbisyo. Giawhag na lamang ni Kap Curit ang tanan niyang mga ginsakpan nga magpabilin sa pagka matinud anon sa pagpanerbisyo tungod kay ug wala kay dautan nga binuhatan modapig matud pa kanimo ang gahum sa kamatouran nga gikan sa labing gamhanan.