Iriga City — Si Alcalde Fernando simbulan kan Nabua, Camsur an dagos ng nagpaluwas nin executive order na nagmamando sa pagsarado kan gabos na mga kampo santo sa banwaan sa panahon kan undas O pistang kalag.
Sa EO no.29 series of 2020 na pinirmahan kan alcalde kasu-odma, sinabi kaini na poon sa petsa 29 kan Oktubre hasta petsa 4 kan Nobyembre mayo nin tutugutan na persona na magbisita sa laog kan mga kampo santo, bilang parte kan saindang pinahigot na kampanya kontra sa pandemyang dara kan Covid-19.
An lakdang kan alcalde pagsuporta sa nainot ng omnibus guidelines na pinaluwas kan IATF na minabawal sa mga pagtitiripon O mas gatherings kan mga tawo sa panahon na ini nin national health emergency. (OIC Melvin Barayoga, RPN DZKI Iriga)
(Source: LGU – Nabua, Camarines Sur)