Tagoloan, Misamis Oriental – DAKPAN sa ginsakupan sa Tagoloan Municipal Police Station nga gipangulohan ni PCapt. Rexson Layug ang giingong usa ka pulis, ug ang tulo pa niini ka kauban sa drug buy bust operation sa Baluarte Tagoloan, Misamis Oriental alas 4:30 sa hapon.
Nasikop sa operasyon sa Tagoloan Municipal Police Station sa Nabulod, Baluarte, Tagoloan, Misamis Oriental ang upat ka mga suspek lakip na ang usa ka myembro sa PNP.
Naila ang mga dinakpan nga sila Patrolman Rhynhart, 35-anyos, molupyo sa Manolo Fortich, Bukidnon nga giingong usa ka Patrolman nga sakop sa RMFB-13 PNP-CARAGA, alyas Jonie ug alyas Jordan nga pulos mga panday ug ang target nga si alyas Crispy.
Napalitan sa gituohang shabu ang mga suspek og nakuha sa ilang possession ang pito pa ka sachet sa gituohang shabu, usa ka 9mm Tauros issued firearms, usa ka magazine ug mga drug paraphernalia.
Gitakdang pasakaan sa kasong administratibo ug criminal ang pulis karong adlawa.
News and photo by Ronda Cyril Cambalon Jr.