Sunod-sunod ang gipahigayong panagtigum sanan pagbansay-bansay sa mga kadagkuang opisyales kaabag ang nagkalain-laing ahensya sanan buhatan nga myembro sa Inter-Agency Task Force Against Covid-19. Kini alang na sa pagmugna ug mga lakang aron mas mapalapdan pa ang pag responde batok sa hulga sa Covid19, pipila niini ang mga musunod:
✅Pagpagawas ug mga ehekutibong kamanduan alang na sa pagdumili sa pagtipok-tipok o mass gathering nga maoy usang gituohang mas makapadaling magdala o mutakod ang virus
✅Pagbanned sa mga langyaw nga barko nga direktang naga byahe sa mga lugar nga adunay kaso sa Covid19
✅Pagsuspende sa mga klase aron mahipos ang mga kabataan ug mahilakay sa pagkuyanap o matakdan sa virus
✅Pagbal-is sa mga pampasaheroang lancha ngadto na sulod sa PPA port gikan sa boulevard kini aron mamonitor tanan incoming nga sakay ug tanan ang makuhaan ug temperatura pinaagi na sa thermal gun scan ug ang pag fill-up sa health declaration card
✅Pagpailawom sa dakbayan sa CURFEW HOURS nga taman lamang alas 9 sa kada gabie hangtod alas 5 nan kaadlawon ang tanang tindahan o establisyemento lakip na ang mga naglakaw sa mga kadalanan
✅Pagpasarado sa tanang internet cafe o computeranan lakip mga pisonet para ma kontrolar ang mga kabataang magdula lakip na ang mga hingkod nga musulod usab
✅Pagpasar ug usa ka ordinansa aron sa pagpamalit sa mga importanteng kamtangan sa mga frontliners o mga medical personnel lakip na ang ubang myembro sa Task Force para na sa pagpadayon niining operasyon ug pagprotektar kanila aron dili matakdan sa maong virus
✅Pagtan-aw ug lugar nga posibleng mamahimong safehouse o quarantine area kon ugaling mapuno na ang Caraga Regional Hospital nga kansang gitudlo nga maoy pasilidad nga musanong sa mga PUIs
✅Pag pandisinfect sa mga pampublikong lugar susama na sa luneta, boulevard ug merkado publiko, ug kini magpadayon pa ngadto na sa ubang area sa dakbayan. Hinuon gipahimangnoan ang tanang katawhan nga muhimo usab sa pagpanhinlo sa ilang tagsa-tagsa ka panimalay ug tugkaran.
✅Pagpatuman ug Price Freeze ngadto na sa mga nag-unang pamaliton sa merkado alang na sa mga katawhang Surigaonon
✅Pag implementar sa 4-days workweek aron mas makunhoran ang exposure sa gawas o sa mga opisina ug mas daghan ang oras nga magpuyo sa panimalay uban sa pamilya
✅Pagpa paspas sa pagrelease sa mga sweldo sa mga trabahante sa gobyerno sa dakbayan diin karong adlawa gi proseso na kini ug madawat sa mga trabahante ang ilang sweldo sa bulan sa Marso ugma hangtod sa adlawng byernes, kini aron mas magamit sa matag kawani aron makapangandam usab sa ilang tagsa-tagsa ka panimalay ug pamilya
✅Pag activate the Emergency Operations Center (EOC) ug sa Incident Command System (ICS)
✅Pag activate sa mga Barangay Health Emergency Response Team kon BHERT nga gipangunahan sa mga Barangay Officials aron sa pag pakigtambayayong ngadto na sa ilang matag barangay para ipatuman ang kamanduan sa dakbayan ngadto na sa ilang ginsakopan
✅Gipangandaman na usab karon sa pagamhanan sa dakbayan ang prepositioning sa mga ayoda alang na sa mga katawhang apektado sa pagpatuman sa balaudnong may kalabotan sa Covid19. Gi preparahan karon sa gobyerno sa dakbayan pinaagi na sa CDRRMO ug CHO ang pag impaki ug mga relief items lakip na ang hygiene kits alang sa mas halapad nga aksyon batok sa hulgang pagkuyanap sa Covid19 sa syudad sa Surigao.
Ang hiniusang aksyon gipangunahan mismo ni city mayor Estong Matugas kinsang maoy nangamot sa tanang aksyon nga gipahigayon sa pagamhanan sa dakbayan. (MICO Surigao/Annette Villaces,CMO)
#LetUsFightCovid19
#LetUsFightTogether