Iriga City – Resolusyon para imbestigaran kan Committee on Energy sa Kongreso an paglangkaw sa singil sa kuryente kan APEC, ginibo ni AKB Cong. Garbin
Bikol – Nagpasar nin sarung resulosyon sa Kongreso si Congressman Alfredo “Pido” Garbin Jr. kan Ako Bicol Partylist, na nagtatao nin direktiba sa committee on energy na imbestigaran an paglangkaw sa singil kan APEC sa supply nin kuryente poon kan Abril 2021 na pinag-aagrangay kan mga konsumidores sa Albay.
An lakdang na ini, kasunod kan enot na surat na pinadara ni Garbin ki Sec Alfonso Cusi kan Department of Energy sa parehong katuyohan alagad sagkod ngunyan wara pa nin nagin lakdang an ahensya sa dae maaraman na rason.
Segun sa Kongresista, dapat na mainbestigaran ini sa lalong madaling panahon ngani na maisihan kun talagang wara na pigbabalgar na ley an APEC pag abot sa serbisyo kan elektrisidad.
Enot nang sinabi kaini na nag uotik an Power Distributor sa Albay dahilan sa biglaan na pagsirit kan singil sa kuryente na dai man naipaliwanag nin maray sa mga konsumidores.
Nakahanda man si Garbin na magsangat nin kasong economic sabotage engkaso mapatunayan may pang aabuso ginibo an APEC.
(Melvin F. Barayoga, RPN DZKI Iriga OIC)