Compostela Valley Province – Diha sa sulod sa kapitolyo nagtapok atol sa malampusong “Oplan Pagbabago Launching” ni RPOC Chair LtC. Gov. Jayvee Tyron Uy ang mga dagkong opisyal sa kasundaluhan nga sila BGen. Reuben S. Basiao sa 701st ID ug Col. Gilbert F. Saret sa 1001st Brigade ug ang mga Field Commanders nga sila LtC Oscar Balignasay sa 25th IB, LtC Gilbert R. Ombos sa 60th IB, LtC Steveyn Ducusin sa 71st IB, LtC Palmer Parungao sa 66th IB, LtC Benjamin A. Dao-on sa 46th IB, ug LtC Chhristopher C. Mercado sa 72nd IB.
Nahitabo ang panagtapok dili pa lamang dugay nga gitambongan sa mga dagkong opisyal sa kapulisan sa pagpanguna ni PNP PD PSSupt. Roderico Roy Jr., sa mga Municipal Mayors sa pagpanguna ni LMP Chair Mayor Roberto Yugo sa Pantukan, sa mga kapitanes sa pagpanguna ni Liga ng Barangay Provincial Federation President BM Raul Timogtimog, ug sa mga Provincial Directors sa nagkadaiyang mga ahensiya sa national nga gobyerno.
Mitambong sad sila BM Joseph Jaoud, BM Felipe Masambo, Oplan Pagbabago Action Officer PSWDO Chief Josephine Frasco ug mga PG Department Heads sa pagpanguna ni Oplan Pagbabago Vice Chair Provincial Administrator Virgilia S Allones.
Gitumong sa Oplan Pagbabago ni Gov. Tyron Uy ang paghatag og talagsaong klase sa pag-atiman ang kapin kon kulang 7,000 ka mga miyembro ug supporters sa mga rebeldeng NPA sa Comval Province nga misurrender bag-o lang sa gobyerno diin matud pa niya nga pinaagi niining programaha ang gobyerno maningkamot pagsulbad sa problema sa insurhensiya pinaagi sa development, ug kon mahimo dili na gamiton ang puwersa sa militar alang sa maong katuyoan.
