Atol sa pagbesita ni Cebu City Acting Mayor Raymond Alvin Garcia kagahapong adlawa, Mayo 14, 2024, didto sa Cebu City Police Office (CCPO) sa Camp Sotero Cabahug, Gorordo Ave. siyudad sa Sugbo, adunay kini mensahi sa kapulisan.
Nimando si Acting Mayor Garcia ngadto sa kapulisan nga tutokan ang mga lugar nga naila nga adunay mga nagpayuhot og ginadiling drugas, kay mao kini ang kasagarang hinungdan sa mga ginagmay ug dagko nga krimen nga mahitabo dinhi sa siyudad sa Sugbo.
“Makabalita nalang ta nga naay nagbuy-od nga lawas didto..ngano man? Kay nitambling…sa bata pako kanang tambling bitaw inig human nimo tambling makabarog pa man ka…pero kana karon inigtambling nimu di na man ka kabangon,” segon ni Acting Mayor Garcia.
Dugang ni Garcia nga kinahanglan nga adunay presensiya sa kapulisan sa mga kadalanan sa dakbayan sa Sugbo.
“I only have one marching order under my watch: we need to increase police visibility. We need beat patrols in every critical areas of the city, especially in crime-prone areas,” pagklaro ni Acting Mayor.
“Let your presence be felt in high density areas, in establishments where Cebuanos do their business, in our schools, in our public places, especially in our busy streets,” dugang pa ni Garcia.
Dako usab og pasalamat ang Acting Mayor sa kapulisan kay ni ubos ang krimin sa dakbyan sa Sugbo.
Samtang nag-awhag usab si Garcia ngadto sa kapulisan na pangandaman na daan ang nagsingabot na Palarong Pambansa karong Hulyo 2024 diin ang Sugbo maoy mag host niini.
“There is nothing like an alert and well-trained police force that can assure the Cebuanos that we can keep them safe…. Ang tuyo niini nga ang mga anaay daotan og tinguha maglikay nalang kay moingon, ‘hala, nay pulis!’,” pamahayag sa Acting Mayor. (Renante Socia Lada)
(Source: Cebu City PIO)