General Santos City – Nakatala matud pa’g 962 ka kaso sa “denge” ang dakbayan sa Gensan gikan Enero hangtud Mayo 2023. Kana ang gi-angkon ug gikonpirma ni Gensan City Acting City Health Officer, DR. LALAINE CALONZO pinaagi sa usa ka video message sa LGU-Gensan FBpage. Ang maong ihap, katumbas matud pa kini sa 501% nga pagsaka sa mga kaso sa dengue sa dakbayan, ikumpara sa mi-aging tuig 2022 sa susamang mga buwan.
Apan, gi-klaro ni Dr. Calonzo nga luyo sa pagsaka sa kaso sa dengue sa Gensan, wala kini mabutang sa kategoriya nga mag-deklarang “dengue outbreak” sa s’yudad.“𝙒𝙞𝙩𝙝 𝙩𝙝𝙚 𝙣𝙪𝙢𝙗𝙚𝙧 𝙤𝙛 𝙘𝙖𝙨𝙚𝙨 𝙤𝙛 962 𝙖𝙜𝙖𝙞𝙣𝙨𝙩 160 𝙘𝙖𝙨𝙚𝙨 𝙤𝙛 𝙨𝙖𝙢𝙚 𝙥𝙚𝙧𝙞𝙤𝙙 𝙤𝙛 𝙡𝙖𝙨𝙩 𝙮𝙚𝙖𝙧, 𝙬𝙚 𝙝𝙖𝙫𝙚 𝙖𝙗𝙤𝙪𝙩 501 𝙥𝙚𝙧𝙘𝙚𝙣𝙩 𝙝𝙞𝙜𝙝𝙚𝙧. 𝙄𝙩𝙤 𝙥𝙤 𝙖𝙮 𝙝𝙞𝙣𝙙𝙞 𝙙𝙖𝙥𝙖𝙩 𝙞𝙠𝙖𝙗𝙖𝙝𝙖𝙡𝙖 𝙣𝙜 𝙖𝙩𝙞𝙣𝙜 𝙥𝙪𝙗𝙡𝙞𝙠𝙤, 𝙙𝙖𝙝𝙞𝙡 𝙝𝙞𝙣𝙙𝙞 𝙥𝙖 𝙥𝙤 𝙩𝙖𝙮𝙤 𝙙𝙞𝙣𝙞–𝙙𝙚𝙘𝙡𝙖𝙧𝙚 𝙣𝙜 𝘿𝙊𝙃-12 𝙖𝙨 𝙖𝙣 𝙖𝙧𝙚𝙖 𝙬𝙝𝙤 𝙝𝙖𝙨 𝙖𝙣 𝙤𝙪𝙩𝙗𝙧𝙚𝙖𝙠.” Ang pamahayag ni Dr. Calonzo.
Ug sa 962 ka kaso sa maong sakit, 331 matud pa niini ang gitawag og “probable” lamang tungod kay walay confirmatory test nga gihimo ug ang 631 gikonsiderar nga suspek nga mga kaso sa dengue.
Butyag sa maong Opisyal nga ang pinakadagha’g natala nga kaso sa dengue ning s’yudad mao ang Brgy. Calumpang nga adunay 142 ka dengue cases.Pero gikabutyag usab ni Dr. Calonzo nga luyo sa pagtaas sa mga kaso sa dengue sa dakbayan, gamay ra ang “rate” sa mga namatay sa nasampit nga sakit. (Fred Degala)