Mangolekta na og sukay’ sa mga night market vendors ang syudad pinaagi sa City Economic Enterprises & Business Development Administration (CEEBDA) sugod sa Lunes Mayo 15, 2023, human giaprobahan ni Mayor Rolando Klarex’ Uy ang maong sugyot.
Kini ang gipahibalo ni CEEBDA Dep’t Manager Marfe Dacoco atol sa regular meeting sa Night Market Management Committee Huwebes Mayo 11, nga gipangulohan ni kanhi Kag. Enrico Salcedo.
Matud ni Dacoco nga P5.00 per square meter matag adlaw ngadto sa tanang night market vendors partikular na sa mga rehistrado nga namaligya sa Cogon market area.
Sa kasamtangan ug basi sa record sa CEEBDA adunay 663 existing sidewalk vendors nga aktibong namaligya sa puwesto nga gihatag kanila sa syudad.
Nasayran nga pinaagi niini, gilaumang makakolekta ang syudad og P11 mil matag adlaw.
Nunot niini, magpahigayon og information campaign ang mga personahi sa CEEBDA aron masayran sa mga night market vendors ang maong palisiya.
(News and photo courtesy of CIO CDO)