CAGAYAN DE ORO- Ang lokal nga kagamhanan sa Misamis Oriental miturn-over sa walo ka mga brand new nga ambulansya ngadto sa walo nga tambalanan sa probinsya niadtong nakalabay’ng adlaw alayon niining hulga sa coronavirus disease. Matud pa ni Gov. Bambi Emano nga mikostar sa 20 milyones pesos ang maong mga sakyanan diin matag usa mikostar sa tag P2.5 milyones. Kini gidawat sa matag chief of hospital sa maong walo ka tambalanan.
Ang province-run hospitals dinhi sa MisOr nahimutang sa Talisayan, Manticao, Magsaysay, Initao, Gingoog City, Claveria, Balingasag ug Alubijid. Nasayran nga maong mga ambulansya adunay secured license gikan sa Department of Health, sumala pa sa Provincial Information Office.
Gawas sa ambulansya, ang kapitolyo miturn-over usab sa walo ka mga kahon nga adunay walo ka libo ang sulod sa face masks nga gidonar sa Philippine Chinese Chamber of Commerce and Industry sa probinsya.13