78 kawani ng BI tinamaan ng COVID-19

Nagpositibo sa coronavirus disease 2019 (COVID-19) ang nasa 78 kawani ng Bureau of Immigration (BI).

Ayon kay Immigration Commissioner Jaime Morente, 29 sa mga ito ang nakarekober na sa COVID-19; habang nabatid naman na 44 sa mga nagpositibo sa COVID-19 ang mga asymptomatic, habang ang iba naman ay nakitaan lamang ng mild symptoms ng virus.

Gayunman, sinabi naman ni Morente na ipinagpapasalamat pa rin nila na bagamat nag positibo sa COVID-19 ang ilan sa kanilang mga tauhan  ay walang nasawi dahil sa COVID-19.