Dako ang pagpasalamat nga gipaabot sa usa ka ginang ngadto ni Governor Roberto Uy human na-operahan ang iyang suso nga 10 ka kilo nga phyllodes tumor.
Kini ang gipadayag ni Ms. Teofanes Quinlog, 59 anyos, minyo, adunay tulo ka anak ug lumolopyo sa Barangay Sicayab ning dakbayan sa Dipolog.
Si Ms. Quinlog ang nagkanayon nga nagpasalamat usab siya sa Kahitas-an tungod kay gihikap si Governor Uy nga motabang kaniya nga adunay gihambin nga sakit ug kinahanglan –ma-operahan.
Ang maong ginang na-operahan sa iyang tumor nga libre didto sa Philippine General Hpsital sa kauluhang Manila pinaagi sa tabang sa Medical Team sa kagamhanang probinsyal sa administrasyon ni Governor Uy.
Gi-konsiderar ni Ms. Quinlog nga usa ka dakong milagro ang nahitabo kaniya human natangtang ang iyang tumor nga 10 kilos ug gilugwayan ang iyang kinabuhi gumikan sa tabang sa gobernador.
Si Quinlog unang gi-operahan kaniadtong Desyembre tuig 2018 ug nautrohan sa Enero sa miaging tuig ug maayo na ang iyang kahimtang.