Nagyaman ni Vice Governor Cecilia Araneta Marcos iti Office of the Civil Defense gapu ti agtultuloy nga ipapaayda a suporta ken tulong ti gobierno probinsial kadagiti pagkasapulan dagiti kaprobinsiaan.
Ti bise Gobernadora ti pormal nga ummawat ti lima a generator sets idi laeng kalman kalpasan ti pannakapasangpet kadagitoy.
Segun ken ni Mr. Marcel Tabije, head ti Resiliency Office ti probinsia, dagitoy ket maiplastar ken mausar dagiti kaprobinsiaan no adda naiget a panagkasapulan dagiti kaprobinsiaan no adda ti panagawan ti supply ti kuryente nangruna no panawen ti kalamidad kas ti napasaran itay kallabes a naminsan a panagpukaw ti kuryente ti sibubukel a probinsia gapu ti dimmalapos a bagyo.
Kaagpaysuannan, imbatadna a ti immune a naawatda a generator set ket maus-usar para ti panagkampanya para ti panagprebentar ti mapagam-amkan a Covid-19 virus kabayatan tu panagpasyar kadagiti barangays, ili ken siudad ditoy probinsia.
Ti Office of the Civil Defense ti naiget a mangipadpadanon ti tulongda ditoy probinsia saan laeng a ti panawen ti kalamidad ngem pati kadaytoy mapaspasaran a pandemic. (OIC Rod Sadian, RPN DZRL Batac)
 Â
(Source: Vice Governor Office)
