Cebu City – Napatay sa tropa sa militar ang lima ka tawo nga gituuhang mga sakop sa New People’s Army (NPA) sa nahitabong engkwentro sayo sa buntag, Martes, Mayo 25, 202, sa Lungsod sa Bilar, Lalawigan sa Bohol.
Matod ni Army Lieutenant Grace Remonde, Information Officer sa 47th Infantry Battalion sa Armed Forces of the Philippines nga usa ka sakop sa habig sa goberno ang samdan sa binakbakay nga milanat ug usa ka oras.
Ang maong sundalo na-igo sa ibabaw nga bahin sa iyang lawas.
Alas 5:30 sa buntag nahitabo ang encounter sa Sitio Langob sa Barangay Cabacnitan nga boundary sa Lungsod sa Bilar ug sa Batuan Bohol.
Gibutyag ni Remonde nga nag patrolya ang mga tropa sa goberno sa area, human sila makadawat ug report sa presensya sa 11 ka mga armadong tawo didto.
Usa ka netizen nga mi upload sa video sa hitabo, madungog ang sunod sunod nga pag rakrak sa tag-as nga armas.
Na recover sa lugar gikan sa gidudahang mga rebelde ang mga butang nga naglakip sa assault riffle ug 45 kalibre nga armas.
Gisusi na sa Scene of the Crime Operatives ang lugar aron pag kuha ug mga ebidensya ug pag-ila sa mga nakalas. (Jhon Tadlip/JTY)
(Source: Armed Forces of the Philippines-47th IB)